Petican

Ang Petican:

1.  Isang sitio sa purok Salapsap sa baranggay Tinongdan, Munisipyo ng Itogon, Probinsya ng Benguet.
2. Nasa tabing ilog na kung tawagin ay Binga, na nagpupuno sa mga dam ng Binga at San Roque.
3. May lower at may upper, (lower Petican at upper Petican ).
4. Napapalibutan ng matatarik na bundok.
5. May lumang metal hanging bridge.
6. Maraming puno ng mangga at kape.
7. Tirahan ng mga Ibaloi.
8. Taniman ng Kintuman rice ( traditional variety, 6mos ang maturity ).
9. Tahimik na lugar at ideal tirahan kung type mong takasan ang polusyun ng syudad.
10. Karamihan ay pilipit magsalita ng tagalog.
11. Wala pa akong nakitang nag-ngunguya ng nga-nga.
12. Dalawang channels lang ng TV ang nasasagap, ang lalabo pa ( GMA at ABS-CBN!
13. Smart ang dominant network, ang Globe ay pasumpong sumpong lang, yung tipong paaakyatin kapa sa puno ng mangga para makasagap ng malakas na signal. Natural walang Sun, asa ka pa!
14. May ospital dito, daig pa ang Poblacion or sentro ng Itogon.
15. Attraction ang nagagandahang locals dito (ladies lang, never mind men ).

Narating ko ang malayung lugar na ito nang dahil sa repair home service na inaalok ko dito sa Baguio at nearby Benguet areas, (take note, nearby ha pero 1 and a half hour ko minotor :( ), good thing is sementado na ang kalsada kahit na may mga pailan-ilang landslide spots. Ito yung tipo ng lugar na hindi man lang dinadalaw ng mga technician sa Baguio.
Sa dalawang beses kong pagdalaw dito ay hindi ko pinagsisihan, kahit na hindi naman ganun kalaki ang kinita ko ay ramdam ko ang kapayapaan sa lugar at ang kabutihan ng mga locals dito, hindi man sila ganun ka-expressive dahil nga hirap silang managalog at hirap pa din akong mag-ilocano ay dama ko na welcome ako sa lugar na ito..
Babalik pa ako dito next time....

Freedom Of Spit

Ang hirap mag-motor dito sa Baguio, maraming beses na akong muntik muntikang maduraan ng mga drivers na nag-ngunguya ng nganga. Nung isang linggo may repair ako sa KM 3 LTB, habang binabaybay ko ang Magsaysay may sinusundan akong jeep na biyaheng Wangal at nang bumabagal ang takbo nito, nag-decide ako na mag-overtake pero nung aarangkada na sana ako at naka buntot na ako ay biglang dumura yung driver ng jeep. Shocks! Hindi ko malaman kung bulag yung driver at hindi man lang nya ako nakita sa side-mirror nya or talagang ayaw nya lang ako paunahin. Hay! talaga lang, sa ganitong mga situations kailangan mo talaga ng maraming pasensya sa katawan, at sa mga kagaya kong madalas nasa lansangan dapat magbaon tayo ng maraming pasensya sa katawan, dahil kung hindi madalas tayong may masigawan na mga balasubas na tsuper. Ok lang sana kung sigaw lang, pano naman kung mas higit pa doon!....

At nung nakaraang Thursday lang, kagagaling ko sa Acupan, as in sa turning point ng mga jeep sa Acupan, sa loob yun ng gold-mining. This time pauwi na ako sa Baguio, at nung malapit na ako sa gate ng PMA ( Philippine Military Academy) ay may papasalubong akong FX taxi, nung papalapit na ang taxi sa akin biglang may lumipad na namumuong mapulang liquid sa right front- window ng taxi, hahah! saka ko na-realize na dura na naman yun na pinakawalan ng taxi driver na nag-ngunguya ng nganga. Muntik- muntikan kong masapo ang mapulang dura. Ulit, sa ganitong pagkakataon madaling umiinit ang tenga ko, feeling ko tuloy talaga na maraming dugyot na driver dito sa Baguio, at sa pagkakataon na ito parang gusto kong habulin yung taxi at pagsabihan ng pasigaw yung driver na yun, ngunit ayaw ko ng away, kaya nag- decide nalang ako na dumiretso na lang pauwi at baka mapaaway ako sa walang kwentang away. Hehehe.

Please lang po mga kambing, este, mga drivers na nag-nganganga, kunting disiplina lang po at concern sa ibang tao na pwedeng maduraan nyo. Sinasadya man o hindi, syempre maliban sa yucky yung dura nyo eh mantsa rin yan sa damit, diba? Hindi nyo ba pwedeng ilunok nalang yang mga dura nyo? Total naman diba gamot daw yan sa sikmura, para hindi kayo mamura ng iba, ilunok nyo nalang...

General Electric (GE)

Alas sais palang ngayon, nakahilata pa sa higaan ngunit gising na rin naman. At walang repair na naka-schedule ngunit may dalawang back-job na kailangan kong puntahan mamayang hapon. Hmmm, ganito talaga ang buhay ng freelance technician, kapag walang repair medyo magtatamad tamaran ngunit kapag maraming tawag, hindi rin naman magkanda ugaga sa pag-schedule at pagtrabaho. Pero mas gusto ko na ito kesa naman sa dati kong employer sa gitnang-Luzon, maliban sa maraming boss eh madalas ang karamihan sa kanila mga bugnutin at demanding, hindi naman sa against ako sa mga boss, ang ayaw ko lang naman kapag nakahanap ka ng katapat na boss na bosabos, syempre ibang usapan na yun. Ngunit sa kabilang banda eh, hindi ko rin masisisi ang mga yun kung bakit sila nagkakaganun, may mga boss din kasi sila na madalas pini-pressure din sila, kaya, natural domino effect, hahaha. Yan ang parang hindi ko kayang maintindihan sa ngayon, parang unfair eh, sa tingin ko.Ganun pa man, hindi sa kanila iikot ang storya ko, kahit na medyo umikot na nga pala, hehehe.

Kahapon ng umaga, ng ganitong oras din may tumawag na parang nagmamadali na ipasimpa kano jay ref na, haha ilokano, ang ibig sabihin ipapagawa daw ang ref nya, at ang sabi pa ay recharging lang ng freon gas, kailangang kailangan dahil may mga guest sila na may dalang mga gamot na hindi pwedeng magtagal sa labas ng refrigerator. Mga past seven o clock na ng dinaanan ko si Bert-tek sa shop at mabuti naman at laging game at ready itong kasangga kong tekniko na ito. Agad naming pinuntahan ang address ng tumawag at medyo naligaw kami ng konte dahil sa na-confuse ako sa address na sinabi, Leonard Wood loop road daw, eh ang nasa isip ko Leonard Wood road lang, hahaha, so, nung una naghanap lang kami along Leonard Wood road, not realizing na may Leonard Wood Loop road din pala. At mabuti nalang hindi nagtagal ang paghahanap namin, dahil kapag nagtagal pa baka kami ni Bert-tek ang hindi makatagal. Doon lang pala sa malapit sa tulay ng Leonard Wood road ang Leonard Wood Loop road, adjacent sya ng street entrance ng Teachers Camp.
May loop road pala doon na ang kabilang dulo ay sa kanto ng Leonard Wood road at Gen. Luna. Pagkakita namin ng bahay ay nakaabang na agad ang may-ari sa gate, may pasyente pala silang tinamaan ng gout, injured ang pasyente, may bali sa right ankle nya. Isang dambuhalang babae, siguro yun ang dahilan kaya nabali ang ankle nya, kaya kami ni Bert-tek ay napatulong pa sa pagbuhat sa babaeng yun para isakay sa kotse.... at talaga namang mabigat sya ha, tatlo na kaming lalaki ang nagbuhat ngunit feeling ko naihi yung isang manong na humingi ng tulong sa amin. After namin isakay sa kotse ang ale agad na rin kaming tumungo sa ref na hindi lumalamig, si Bert-tek ang nag-check,,,, natural! tiningnan nya ang relay switch at overload na nakakabit sa motor, at nadetect agad nya na sira ang relay switch, so, tinry nyang i-bypass ang relay, ngunit talagang namamatay ang motor. So, hindi sa freon gas ang problema, nasa motor pala ang depekto. Sinabi namin sa owner na motor ang problema, ngunit pinakansela muna ng may-ari ang repair dahil itatakbo raw nila sa Manila ang pasyente, we'll just call you again as soon as we come back to the mountains.. Nose-bleed kami ni Bert-tek. Anyway, thanks po, sana gumaling yung pasyente nila, at kasunod din nun ang paggaling ng refrigerator nila....

Ganito ang pagiging freelance technician dito sa Baguio, iba't ibang encounters at iba't ibang tao sa iba't ibang pagkakataon. Dapat laging ready to lend a hand to the needy.....Astig!! hehehe

Singer sa Irisan

Hindi ito tungkol sa taaong kumakanta kundi ito po ay tungkol sa TV na ang brand name ay Singer.
Ang singer sa pagkakaalam ko noon ay sewing-machine lang pero nitong mga 1990's to early 2000 nagpakilalaa rin ang mga TV, Ref, Washing-machine, Stereo-component at Electric-fan na singer ang tatak. Ngayon sa pambihirang pagkakataon ay napunta ako sa isang bahay dito sa Irisan na ang halos lahat na gamit ay singer ang tatak, mula sa ref, tv, at washing machine, gusto ko rin sanang tanungin yung may-ari kung singer din sya, hehehe, pero nahiya naman daw ako, pero napansin kong kumakanta ang may-ari habang nire-repair ko yung tv nila. At sa tv na ito tatakbo ang kwento ko, pambihirang tv. Tuesday ng gabi may natanggap akong inquiry, nagtatanong kung magkano ang service-charge ko sa tuner na may loose connection daw, agad kong sinagot ang inquiry sabay sabi sa presyong angkop para sa ganun kadaling problema.

Minsan talaga nakaka-encounter ako ng inaakala kong madaling trabaho pero pala mahirap sa actual, at minsan din naman nakaka-encounter ako ng inaakala kong mababait na kliyente pero pala may nakatagong sira sa likod ng mga tawag at texts. Ngunit sa pagkakataong ito mabait ang may-ari ngunit salbahe ang TV, hehehe, yung inakala namin ng may-ari na madali dahil loose connection lang ay hard trouble pala, hard trouble dahil hindi ko makitakita kung saang pyesa ang naglo-loose, ni-resolder ko na't lahat-lahat ay lumilitaw pa rin ang problema. Ang problema ay nawawala ang channel 10 at 12 kapag gagalawin ang sugpungan ng tuner sa likuran ng tv ay lumilitaw uli ang channel 10 at 12. Hay problema nga ito mga friends, at problema nga talaga dahil inabot ako ng apat na oras sa kabubutingting nitong makulit na tv na ito, ayaw ko syang lubayan hangga't hindi sya tumino kagaya ko,,,,,,,,,,,,, toink! Tuloy cancel na rin ng isang repair ko sa Maria Basa.
Ngunit umayaos din naman sya nung nilinisan ko ang main-board nito gamit ang laquer-thinner, salamat sa laquer-thinner na naitabi ng may-ari, malaking tulong yun kaya umayos ang tv nya. So hindi lang loose connection, marumi rin pala. Alas dose na nang natapos ko ito ngunit may kapatid pa palang tv ito na sira rin, at ang sira naman ay "one horizontal line" sa gitna, umaapila ang may-ari na gawin ko rin daw, eh ako naman ay madaling kausap kaya ginawa ko naman ito, trabaho eh. Mabuti nalang po at hindi kasing salbahe ito ng naunang tv, purely loose connection lang talaga sya.
Past 12 na nang matapos ko ang mga Singer na TV, lahat sila ay tumino sa mga kamay ng matinong tekniko.

Samsung Refrigerator/ back-job

Ito po yung dati kong ni-repair noong April 2 sa Bakakeng, nag back-job. Medyo sumasakit daw ang ulo ng may-ari, hindi dahil sa walang laman ang ulo nya, kundi lagi raw nago-off ang ref nya at madalas naglalawa ang kusina nila tuwing umaga dahil sa gabi namamatay ang ref at hindi naman daw nya pwedeng bantayan ng 24/7 ang ref nya para lang i-on ito kapag nago-off. Hehe, nga naman ano. Hay, ang sakit nga naman sa noo dahil back-job nga lalo pa eh bagito pa lang ako sa pagbubutingting ng ref at nagkataon pa na Samsung medyo maselan po kasi ito. Pero mabuti nalang may friend akong bihasa sa pag-repair ng mga ref, sya nga po pala si Bert-tek na may shop sa Naguillian road, Bert-tek ang tawag ko pero Bert lang talaga ang name nya, hmm Bert-tek dahil may mga pagkakataon na kapag pumupunta ako sa shop nya ay lasing sya. Sa Ilokano kasi bartek ang lasing, kaya yun nakaisip ako ng rhyme sa pangalan ni Bert, Bert-tek. Tinanong ko itong si Bert-tek kung papano gawin dahil namamatay daw at kailangan pihitin ulit ang knob ng defrost timer sa likod para umandar ulit. So, dahil sa kaibigan ko at suki ako ng mga tinda nilang pyesa ay tinuruan nya rin ako kung paano itama ang ganung problema. Ayon kay Bert-tek, dapat daw na linisin ang mga contacts ng switch ng defrost timer. Agad naman akong pumunta sa Bakakeng para gawin ang nasabing ref, dinatnan kong wala ang may-ari tanging ang kasama lang nila sa bahay ang naabutan ko doon. Mabilis kong tinanggal ang defrost timer sa likod at agad na kinalas para makita ko ang mga contacts ng switch, at hindi nga nagkamali si Bert-tek sa pagturo dahil talaga nang kailangan nang linisin ang tatlong contacts nito, so, kinaskas ko ng bahagya at medyo binaloktot ko ang mga ito para mag-abot ang mga contacts, mabilis ko itong natapos dahil hindi naman kahirapan itong gawin at i- assemble ulit at agad ko ring naikabit ito sa likod ng ref. Umandar ang ref ng tuloy- tuloy, namamatay lang kapag kailangang gumana ulit ng defrost timer at kapag tapos na sa oras ang timer agad namang nago-on ang ref ng kusa....

Mga alas onse ng umaga ko natapos ang trabaho, akala ko tapos na ako, nang biglang nagkwento itong kasama nila sa bahay, nagkataon namang bisaya sya, at ako naman dahil sa marunong din mag-bisaya dahil may dugo rin naman talaga akong bisaya pinaunlakan ko sya at pinakinggan ko ang kwento. Hehe, as usual problemang puso na naman, ito palang si Inday ay isa nang nanay na nanggaling pa sa Surigao (isang probinsya sa gawing north-east ng Mindanao). Ang pagiging nanay nya ay hindi sinasadya at dahil dito hindi sila nagkakaintindihan ng nanay nya. Hmmm, tama na nga ito mukhang nagiging tsismoso na ako, akin nalang itong ibang nalalaman ko tungkol kay Inday. Kaawaawa din talaga itong si Inday na may problema sa puso, naisip ko tuloy sana marunong din akong mag-repair ng puso, hahahay!

Turn- table sa Legarda Extension

Isang lumang Panasonic stereo component model early 90's, hindi gumagana ang Turn- table, radio at Cassette tape player. Repair ko ito last week pa na binalikan ko lang nung Wednesday at ipinabili sa may- ari ang mga pyesang kailangan. Mga integrated circuit ( IC) para sa radio tuner, rubber belt para sa cassette tape player, at needle para sa turn- table, hehehe, akalain mo, meron pang available na needle para sa turn- table. Ang turn- table nga po pala o mas kilala sa tawag na Phono player ay ang lolo ng mga CD players ngayon at lolo sa tuhod ng mga DVD players. Kung ang mga CD, VCD at DVD players ay gumagamit ng laser beam para mabasa ang mga music at video data sa CD na ini- enjoy atin sa araw- araw, ito namang turn- table ay gumagamit ng synthetic diamond na nakahugis karayum na sya namang kumakapa sa mga nakaukit na audio data sa plaka na bumubuo ng vibration sa needle na syang nagre- reproduce nito into sound signal papunta sa pre- amp to main amplifier papalabas sa mga speakers nito.
Kaninang umaga ikinabit ko ang needle para sa turn- table, medyo gumawa nga lang ako ng modification para maikabit yung needle dahil para sa ibang modelo ng phono player ang needle na nabili ni lolo, nakakamangha lang dahil gumana naman ng maayos ang phono player, isa pang nakakamangha ay ang linis at ganda ng tunog na nagmumula sa phono player. Ang cassette player at tuner ay may problema pa na dapat kong balikan next time..
Good thing is, mabait ang may- ari, nagpa- snack, nagpa- lunch at higit sa lahat nagbayad pa, san kapa! Sarap mabuhay talaga kapag wala kang kinatatakutan na mga kliyente. Salamat po sayo lolo sana mabasa mo ito.
Masaya si Miko!

Sa SLU- SVP, New Site Bakakeng

Kahapon ng umaga wala akong naka-schedule na repair, kaya alas nuwebe na ng umaga nagkukuyakoy pa rin ako sa higaan, hay, "this is life" ika ng iba, walang pressure dahil wala rin namang asawa ng magbubunganga, hehehe, peace po sa mga asawang ganito at sa mga friends ko na may ganitong asawa.

Nine thirty na ng may bigla uling nagtext, ang text nga naman biglabigla nalang dumarating na walang abiso, sabi ng text, repair daw ng microwave oven, kaya ini-schedule ko kaagad ng 10 o clock baka mawala pa eh.
Mga 10: 20 nahanap ko rin ang bahay ng nagtext, medyo natagalan dahil nakatago ang bahay at isa pang medyo nagpahirap ay ang magulong numbering ng ng mga bahay. Oh diba, medyo sasakit ang noo mo sa ganitong scenario, maliban sa magulong numbering ay nakatago pa ang bahay na hina-hunting ko sa likod ng isang block at hindi ko rin agad napansin ang kalsadang papasok sa bahay na hina- hunting ko. Pagdating ko sa bahay ay may tumambad sa akin na dalawang nakakaawa na microwave oven, yung isa medyo may kalumaan na tila ba nakikiusap na agad ko silang i-repair. At agad ko namang ni-repair yung isa at na- repair naman sya, nagkaroon lang ng leak between sa isang pin ng capacitor na .085uf/ 2100volts at sa ground, dahilan kaya pumuputok ang fuse, mabuti nalang inantisipeyt ko na na sira yung capacitor na yun kaya nagdala na agad ako ng isa para maayos kaagad kung sakasakali, at hindi naman ako nagmali sa bagay na yun. Ngayon yung isang microwave naman ay nangagailangang palitan ng transformer, wala nang ibang transformer ang microwave dahil nag-iisa lang naman yun, ang problema naman nun ay nasunog kaya ayaw magbuga ng microwave radiation ng magnetron dahilan para hindi uminit ang mga pagkain na gusto sanang painitin ng may- ari, ang masama ay yung may- ari ang umiinit sa tuwing may isinasalang sya sa oven nyang nasiraan ng magnetron, ("take note manetron ha hindi voltron, robot po yun"). Itong transformer na ito nga pala ang nag- iinvert ng kuryente para mag- supply ng power sa magnetron. At dahil wala akong transformer para dito kaya promise ko nalang sa owner na babalik ako kapag may pyesa na, most probabaly next week.


Umalis ako dahil magtatanghalian na, at babalik after ng tanghalian. Past 2 o clock ng hapon nang bumalik ako sa bahay na yun, ngayon isang refrigerator naman daw ang kakanain ko Samsung ang tatak, tatak Koreano. Ang problema ay ayaw lumamig ng cooler sa ibabang bahagi ng ref pero yung freezer ay ang lamig lamig naman. Ang problema pala ay yung fan na nagbubuga ng hangin mula sa freezer pababa ng cooler. Binaklas ko ang takip na nakatakip sa mga tubes na dinadaluyan ng freon gas dahil doon nakalagay ang fan, napangsin ko na  makapal ang yelo dahilan para hindi makaikot ang fan at hindi masyadong makadaloy ang hangin pababa sa cooler.. Simpleng problema na kailangan ng simpleng solusiyon, tinanggal ko ang mga sobrang yelo na sumasagi sa fan at bumabara sa daluyan ng hagin nito pababa sa cooler, after nito assemble naman. Gumana ang ref ng maayos, sumaya ang may- ari, nagbayad at syempre masaya uli si Miko!

Maayos at Magulong kausap na mga Kliyente

Sadyang masarap matulog dito sa Baguio, madalas tinatanghali na ako ng gising, (6am ). Diba tanghali na yan? Kaya madalas rin akong tinatanghali sa trabaho, kaya nga kanina alas nuwebe ulit ako nakaalis ng bahay papunta ng Buyagan La Trinidad Benguet. Kagabi kasi may nagtext sa akin, tinatanong kung available ako bukas ng alas nuwebe ng umaga ( that means today). Sa unang text pa lang nya ay nalaman ko nang sya yung estudyante na binigyan ko ng calling card sa Buyagan ( mga ilang hakbang lang mula sa Buyagan Baptist Church), dahil nung kamakalawang linggo nirepair ko ang washing machine ng landlady nya. Sya nga pala ang kliyente na maayos kausap, babaeng estudyante sa Benguet State University ( BSU). Nasa boarding house na nya ako at marami silang magkakasama doon, panay babae kaya medyo nakakailang. KENWOOD stereo component ang ipapa-repair, na ang problema ay "no display at hindi gumagana ang cd/mp3/vcd player". Habang inuusisa ko ang stereo component nagtanong ang bata kung magkano raw ba ang magagasto nya at ang sabi ko naman ay siguro gagasto ka ng mga *00 pesos dito, at agad na sumang-ayon ang batang estudyante. Sinimulan kong baklasin ang stereo, at napansin kong pumutok ang dalawang fuse ng power supply, maliban doon marami na ring loose connections na kailangan i-resolder para umayos ulit ang mga koneksyon, hayon, common sense ulit, ang sense na hindi common sa lahat, hehehe. Nagpalit ako ng mga fuse, nag-resolder at saka nilinis ng bahagya at pinagpag ang tapok ( tapok sa ilokano ang alikabok) at ( tapok din sa bulol ang sapok), diba? Habang ginagawa ko ang stereo component may mga dumating pang mga kababaihan na kaedad ng bata, 18- 19 years old, iniisip ko mga kaklase nya pero lumipas ang ilang minuto nag-iensayo sila ng mga kanta, may isa sa kanila na mahusay kumalabit ng gitara, napansin ko rin na mga awiting kristyano ang inaawit nila, so, nagpatuloy ako sa pag-repair ng stereo component habang pinakikinggan ko sila sa salitang iloco at ibaloy naintindihan ko na mayroon silang gagawing music video para sa church nila. Hmm, natapos din at inasembol ko na ang component at saka pinatugtog ng todo, hehe, medyo natigilan sila sa kantahan nila pero agad ko rin naman pinahinaan at pinatay ang stereo saka sinabi sa bata na ayos na ang compo mo sabay abot nya ng bayad at nanginginig pa, hehe, hindi pa sya tumawad, parang namurahan pa sa singil ko. So far, sya ang pinaka-maayos kong katransaksyon na kliyente ngayong taon..

Masayang estudyante, at, as usual masayang Miko.




Hay, heto ang kabaliktaran ng unang kliyente. Ala singko ng hapon may titingnan akong sira na refrigerator sa Wakat Suello Village. Hay nako lang talaga, hindi lang ref ang nasira, pati yung may-ari sira din. Ang hirap kausap, kaya hindi ko tuloy alam kung talaga bang ipapa-repair nya or makikipagdiskusyun lang sya sa akin, dapat pala dito may-ari muna ang i-repair saka yung appliance nya.
Hmm, ito, kaya naman pala ganun ang tono ng pakikipag-usap nya sa akin, dahil may naunang dalawang ref technicians na syang tinawag at sa kasamaang palad perehong nagsamantala ang dalawang mokong, hinuthutan na pala itong si kliyente ng maraming pera, at sa haba ng pag-uusap namin sinabi ko nalang na tawagin nya ulit yung huling gumawa ng ref nya dahil hindi nalang ako makikialam at baka ako pa ang magiging masama sa bandang huli, natural wala syang nagawa sa refusal ko, nagsayang lang ako ng gas papunta doon.
Wish ko lang magawa yung pinakamamahal nyang refrigerator na model 1990's na National ang tatak.
Sana kayong mga may-ari na magpapagawa ng mga appliances nyo, please maging maingat po kayo sa kukunin nyong tekniko para maiwasan po ang abala at aberya sa mga kasangkapan nyo.
At kayo naman mga tekniko na kagaya ko, please lang naman oh hinay hinay lang, wag masyadong timawa o sakim sa pagsingil at kung magbigay ng warranty tuparin nyo naman, at maging totoo kayo sa mga kliyente nyo dahil kapag nagpakita kayo ng gilas sa pag- kumpuni ng gamit nila sila narin mismo ang magkakalat ng maganda ninyong serbisyo sa ibang nangangailangan ng mga tekniko na kagaya natin...
Work ethics lang po mga kaibigan, take note, ethic sa tagalog etiketa hindi itik,,,, duck yun...

Panview TV sa Sa New Lucban at DVD players sa Lower Brookside

Araw ng martes, alas nuebe ulit ng umaga nang dumating ako sa unang repair sa New Lucban, ito ay Panview brand na tv, namatay daw sabi ng may-ari at gusto nyang ipabuhay at nung tiningnan ko, hehehe, patay nga. Patay tayo dyan, hindi na ako nagpatumpik-tumpik pa agad kong trinubol shoot at nakitang sira ang horizontal output transistor,may dalawang lumubo na capacitor, 25volts at 35volts at parehong tag-470microfarrad ( uf).
As usual agad kong ipinakita sa may-ari at agad rin naman nyang binili ang mga pyesa dahil hindi naman kalayuan ng Uptown Electronics ( dealer ng electronics spare parts na kaharap ng SLU main gate) sa New Lucban, at dahil malapit lang naman agad syang nakabalik saka iniabot sa akin ang mga bagong pyesa, napansin ko na may nabago sa isang capacitor, yung dating 35volts ay 50volts na ngayon. Ikinabit ko ang mga pyesa at saka isinaksak sa power outlet, hehehe, buhay ang television masaya ang mag-asawang may-ari at syempre masayang Miko..

After ng repair na yan, pumunta ako sa opisina ng western union hindi para kumuha ng pera kundi para mag-inquire ng biyahe ng super ferry na biyaheng Manila to Puerto Princesa City (aking kinalakhang Lungsod ), napag-alaman ko na may magandang offer sila 2000+ presyo ng round trip ticket para sa June 17- 24, hhmmm, natural para sa taong pangkasalukuyan. Sabi ko nalang sa kahera na babalik ako kapag ok na, pero sa likod ng isip ko ay maghahanap pa ako ng mas magandang offer sa mga airlines naman.


Kasama ko ang isang kaibigan papunta sa isang naka- schedule na repair. Tsk tsk tsk, alam nyo po ba kung ano ang ipapa-repair? Electric grill lang naman, hehehe, hindi na raw kasi nakakapag-ihaw ng isda yung may-ari, (malamang yung walang kakupas kupas na isdang bangus lang naman yun ),  nakakatuwang isipin na pati electric grill ay pinapatos ko na rin, hehehe, prinesyuhan ko sya ng katulad rin ng minimum service charge ko sa mga 14" na television... ok lang naman pala sa may-ari dahil miss na miss na raw nya ang magihaw- ihaw..
Salamat nalang sa kaibigan ko na sinamahan ako papunta sa repair na ito. At ito pa, ang kaibigan ko na ito ay nagugustuhan maging manugang ng kliyente ko na yun, hehehe. Bro kung nababasa mo ito alam mo na kung sino ang binabanggit ko dito, hehehe, yun nga lang ayaw raw nya maging byenan yung kliyente ko, laglag pala si kliyente! hehehe. Anyway, kanya kanya talaga tayo ng taste at mas higit sa taste syempre may prinsipyo, na kahit gaano kaganda ang offer kung hindi kaya ng konsensya mo at higit sa lahat ay taliwas sa sinusunod mong prinsipyo sa buhay ay hindi mo ikokompromiso ang tinatayuan mong prinsipyo. Hehe, seryoso bro ano?

Sa Lower brookside naman tayo. Ang buhay talaga ay parang gulong (Wheel ), minsan nasa ibabaw at minsan nasa gitna at minsan naman ay nasa ilalim. Isang napakakuripot na kliyente ang na-encounter ko. Nagpagawa ng dalawang DVD player ngunit binayaran lang ako ng katumbas ng sebisyo para sa isang player, san ka pa! Minsan talaga mahirap intindihin ang tao, pinagkasunduan naman namin na per unit ang pricing ko sa repair pero sadyang ganito ang buhay ng tekniko, dapat marunong ka magpasensya dahil hindi ka naghahanap- away kundi hanap-buhay, diba? Nasunod ang ale sa gusto nyang presyo pero sinigurado ko na maayos naman ang pakikipag-usap ko sa kanya, hindi ako sumimangot at lalong hindi ko sya tinaasan ng boses. Hoy Bert (kaibigan kong tekniko sa naguilian road ), dapat ganito ka sa mga kliyente mo. 

Umalis ako sa bahay na yun na masaya pa rin dahil may ipapagawa pa daw sa susunod itong si mrs kuripot na taga Lower Brookside, yung ang bahay ay malapit sa tulay, hehehe. Para sa mga kliyente ko at mga magiging kliyente ko pa, gusto ko pong malaman nyo na ako ay matinong tekniko patas kung magpresyo.

Whirlpool poolwhirl_dryer

9 o clock na ng umaga papunta ako sa ini-schedule kong repair sa Bokawkan, pagdating ko sa bahay ng kliyente na magpapagawa ng spinner agad na bumungad sa akin ang isang lalaki mula sa loob ng nasabing bahay napansin ko maraming kulang na ngipin sa harap, at agad na nagtanong "ano foh yun?" sagot ko naman, kayo po ba yung magpapagawa ng spinner? sumagot, "ano va yung sfinner?", yung spinner po sagot ko naman, pero kapansin pansin ang parang nagtatanong pa rin na expression ng mukha ng mama at sumagot ulit "ah yun va yung sa comfuter?", tiningnan ko nalang sya at nag-pause ako saglit sabay sambit na, yun po yung kasama ng washing machine, gusto ko pa sana i-explain ng todo pero sumagot yung mama na "ah, alam ko na, yun fala yun", pero nung tinitingnan ko sya mukhang confused pa rin sya, parang gusto ko tuloy syang tanungin kung taga saang planeta ba sya pero nahiya naman daw ako ah at baka mabugbog nya ako sa oras na yun..

Naghintay pa ako ng bahagya at ti-next ko uli yung magpapagawa ngunit hindi nagre-reply, mayamaya pa ay may dumating na ale mukhang kagagaling sa pamamalengke dahil sa mg bitbit nitong groceries at ilang gulay. Dala ng pagiging Pilipino (hospitable ) ng lalaking may mga kulang na ngipin sa harap ay agad syang nagtanong sa aleng kararating lang na kung kilala daw ba nya kung sino ang magpapa-repair ng spinner, sumagot ang ale, "hindi ko kilala, pero baka sila yung nakatira sa pangalawang palapag ng bahay, teka lang saglit papanikin ko at tatanungin", ika ng ale sa akin. Umakyat nga po ang ale at hindi nagtagal ay bumaba sya na kasama ang isang lalake, agad na nagsalita ang lalake "kuya ako po yung magpapa-repair". Agad akong nagpasalamat sa ale at sa mama na may mga kulang na ngipin sa harap, at sabay ngiti sa kanila na para bang ipinakikita ko sa mama na, heto kumpleto pa ang ngipin ko sa harap wala pang kulang oh. hehehe, mang-inggit daw ba.. Tama bang ugali yun? Hehe, anyway, pumanik ako kasama ng may-ari ng spinner at dinala ako sa sirang dryer, hmmm, dryer pala na ang brand ay Whirlpool dahil ang buong akala ko spinner lang. Agad kong binuksan ang pang-itaas na cover ng machine at nakita kong wala na yung drum-belt nya, agad ko ring ipinakita sa may-ari na nagmumukhang guilty nang mga sandaling yun, hehe, sa loob loob ko lang sya ang nakasira. After nun binuksan ko rin ang panglikuran na cover at sabay dukot ko sa loob ng naputol na drum-belt, agad tiningnan at inobserbahan kung paano sya naputol, at napansin ko na parang nasunog ang drum-belt. Hmmm, ang conclusion ko ay nag-overload sila sa drum ng dryer kaya hindi maiikot ng drum-belt ang drum kaya sa patuloy na ikot ng motor uminit ang bahagi ng drum-belt na nakakabit sa shaft ng motor na syang ikinaputol nito. Hehe, simple analogy, diba?
Tumawag ako sa supplier ng mga pyesa ng Whirlpool products at napag-alamang 1,800 ang presyo ng ganung klaseng drum-belt. Agad kong sinabi sa may-ari at mapayapang kumuha ng pera na pambili ng pyesa at saka iniabot sa akin, sa madaling salita ako pala ang bibili at kukuha ng pyesa sa Whirlpool spare parts dealer na dito lang rin sa gawing ibaba ng Bokawkan road. Pagkakuha ko ng drum-belt agad kong ikinabit sa dryer ang drum-belt, madali syang naikabit dahil hindi naman ganun kakomplekado ang disenyo ng Whirlpool dryer, nga lang kapag hindi ka maingat sa pagbaklas ng sheet na pinagkakabitan ng heater eh maaring masugatan ka sa kamay, kaya kailangan ng extra ingat sa gawaing ito. Pagkatapos kong ikabit ang drum-belt agad ko rin ibinalik sa pagkakaayos ang heater assembly at saka iti-nest. Agad na gumana hanggang sa uminit na rin ang hangin na ibinubuga ng makina sa exhaust, indikasyon na fully fixed na ang machine, successful!. At teka muna, ngunit, subalit, heto pa, napansin ko na sa gawing kinalalagayan ng motor ay may pugad ng daga at hindi lang sya basta pugad, may laman ang pugad na kung tawagin ay "kansuswit", heheh, sanggol na mga daga, medyo kadiri pero napilitan din akong dakutin ang pugad daga gamit ang plastic bag...

Lesson naman po sa mga may gamit na ganun, please pakilinisan naman po at wag hayaan ang mga dagang katulad ni Jerry na pamahayan ang inyong mga mamahaling kasangkapan sa bahay dahil madalas ang mga katulad ni Jerry o ni Dodeng daga ang sumisira ng mga kasangkapan natin sa bahay, kung maari mag-alaga ng mga pusa na kagaya ni Tom, kahit my pagka-engot at least patuloy na nanlalaban kahit na laging bugbog at talunan, hehe.

Nakita ng may-ari na ayos na ang dryer nya at kinompirmang ayos na nga ito. Dala ng pagkatuwa agad nitong iniabot sa akin ang service charge at saka ko sya sinuklian ng calling card, hehe, calling card para sa susunod hindi na sya mahihirapang maghanap sa dyaryo or sa website ng www.mybaguio.biz ng mga teknikong kagaya ko...
Agad akong umalis at bumaba sa unang palapag ng bahay. Iniisip ko pa rin yung mama na may mga kulang na ngipin sa harap ngunit hindi ko na sya nakita muli, sayang! ngunit nanadoon pa rin ang ale nakaupo sa labas ng bahay at nagbabantay sa mumunting sari-sari store, inabutan ko sya ng calling card at saka ako nagpasalamat muli at umalis...
Isang masayang kliyente at masayang Miko, ngunit malungkot na inahing daga...

Unang kwentong tekniko ko.

Alas utso na ng umaga nakahilata pa rin sa kama pilit nilalabanan ang tinatamad na katawan, iniisip kung saang repair ang uunahin, syempre uunahin ko ang pinakamalapit sa aking lokasyon.
At inuna ko nga po ang Sunnyside hill sa Tacay Rd. 230 ang numero ng bahay, natural igorot ang may-ari, ipagagwa nya raw ang panasonic stereo component na gawang Japan ngunit binili sa Saudi.
Nasa bahay na nila ako, as usual syempre before ko binutingting, inalam ko muna ang kunting background kung paano ba nasira, gracious naman ang parokyano kong ibaloy at nagkwento ng mahaba kesyo raw eh padala ng anak nyang nagtatrabho sa Saudi eh dapat daw maipagawa ung component para naman mapakinabangan at nung makita ako nga ung stereo compo eh dapat lang talagang pakinabangan dahil sa ganda ng disenyo at sa ganda ng tunog, akalain mo ba namang gawa sa bansang hapon natural magilas! At marami syang sinabi na hindi ko na ganong maintindihan dahil sa medyo malabong pagkakasabi dala narin ng pangkatutubo nyang accent pero ok lang yun sa akin, syempre hanap buhay ito hindi naman hanap away, hehehehe!
sinimulan kong kalikutin inabot ako ng trenta minutos napansin kong medyo komplekado ang problema at kung ipagpapatuloy ko malamang mauubos ang oras ko at malilibre ang tanghalian ko dahil obligadong pakakainin nila ako pero nagdesisyon ako na i-pull out ung component, at nung binanggit ko sa may-ari na ibaloy agad naman syang pumayag at mapayapang ipinaubaya ang stereo sa akin ang sabi pa nga "wen ading sika ti bahala ijay, agtext ka laangen nu naalpas mo nga arameden". hahaha! saan ka pa ading! Ayon nga inuwi ko na ang problema, dito na sya sa bahay at parang nangungusap na "bilisan mo na i-repair mo na ako gusto ko na umuwi sa bahay ko", syempre sagot ko naman daw kunwari ah, "maghintay ka jan, kung kelan ako gaganahan na butingtingin ka uli saka uli kita bubutingtingin!" (suplado ).

After ko sya inuwi sa bahay dumiretso ako sa pangalawa kong kleyente na nakatira sa kabilang gilid ng bundok ng Quezon hill, as usual igorot na naman isa syang kankana-ey na dati ko nang kleyente nung buwan ng enero. Magpapagawa daw sya ng washing machine LG ang tatak may tagas ang drain, ok lang naman talaga dapat ang drain dahil talagang tagasan yun ng tubig, nagiging masama sa drain kapag patuloy sa pagtagas kahit na hindi mo pa ito dini-drain, diba sayang ang sabon. So, sinimulan kong tingnan ang outlet ng tubig napansin kong malambot ang spring na tumutulak sa goma na sumasara sa outlet ng tubig, hay naku LG kahit kelan talaga mahina kayo sa paggawa ng spring para sa outlet ng mga produkto nyong washing machine, hehehe, kung sabagay pabor yan sa aming mga tekniko legal, ehehe. Ayon common sense nalang, ang sense na hindi common sa lahat, pinalitan ko ng  spring na mas matigas at mas malakas tumulak para sumara ung tumatagas sa outlet ng tubig. Solve ang problema! Masaya ang igorot! At syempre masaya rin ako at maliban sa bayad pinabaunan pa ako ng kahoy na kamote, este! kamoteng kahoy nga pala un, lasang kahoy man kamote pa rin...

Ang pagiging tekniko ko dito sa Baguio ay lubos kong ikinatutuwa, dahil sa mga kleyenteng kagaya nila na marunong umunawa sa mga manggagawa na katulad ko. Mabuhay po kayo sana dumami pa ang tulad nyong parokyano ko....na magbibigay ng kamote na kahoy, tionkz!!!!!